Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Maandag 16 November
Wie is die belangrikste?
Mense het van die begin af ’n obsessie oor belangrikheid. Mense wou vir Galileo Galilei verkeerd bewys toe hy gesê het die aarde draai om die son. Vir die meeste mense op aarde draai die aarde om hulleself. So ook vir die dissipels. Wie is die belangrikste?
Jesus sê, Ek sal vir julle die antwoord gee. “Jesus het ’n kindjie nader geroep en hom tussen hulle laat staan en gesê: “Dit verseker Ek julle: As julle nie verander en soos kindertjies word nie, sal julle beslis nie in die koninkryk van die hemel kom nie. Wie homself gering ag soos hierdie kindjie, hy is die belangrikste in die koninkryk van die hemel. En wie so ’n kindjie in my Naam ontvang, ontvang My.”
As die Here Jesus sê jy moet ’n kind word, beteken dit nie dat ons kinderagtig moet word nie. Nee, ons moet klein word soos ’n kindjie wat opkyk na sy of haar ouers. Ons moet nederig wees. ’n Kind is in alle opsigte afhanklik van ’n ouer, so moet ons ook afhanklik wees van God. Was dit nie juis Jesus wat ons kom leer het wat dit beteken om op te kyk na ons Hemelse Vader nie? Ons leer ons kinders om groot en sterk te wees van kleintyd af. Onafhanklik is die woord. So word hulle onafhanklike grootmense, onafhanklik van God. Die erfporsie is geen toegang tot God se koninkryk nie. Raak as gesin weer nederig en afhanklik van julle Hemelse Vader.
Ds. Rudi Schoeman, Theresapark
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.