Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Saterdag 7 November
Vergifnis
Hierdie gelykenis was voorgehou vir die sondaars, tollenaars en Fariseërs. Twee groepe. Die goeie groep en die slegte groep. Dit is presies wat die jongste seun en die oudste seun verteenwoordig. Die sondaars teenoor die gelowiges. Is dit so eenvoudig?
Ons wat elke Sondag in die kerk sit. Ons oordeel maklik en vergewe moeilik. Daar bestaan nie werklik twee groepe nie. Begenadigde sondaars is ons. Ons dra beide in ons.
Hierdie gelykenis wil vir ons twee dinge leer. Eerstens dat ons moet waak om nie af te wyk van die pad wat Christus vir ons gewys het nie. As ons daarvan afwyk, moet ons God in opregtheid nader en ons skuld voor Hom bely. Dan mag ons nie weer dieselfde fout maak nie.
Tweedens wil hierdie gelykenis vir ons sê om nie oor ons naaste te oordeel nie. Ons moet ons naaste vergewe soos God ons ook vergewe. Want die vraag kom na ons, net soos na die oudste seun, gaan ons deel hê aan die fees vir die jong seun, of gaan ons buite staan en toekyk?
As ons nie ingaan en saam bly wees in hierdie fees nie, is ons ook vir ewig verlore, ’n verlore seun of dogter. Hoeveel lidmate het vandag van die erediens weggebly omdat daar ’n afguns is teenoor ’n mede broer of suster? Pasop dat u nie verlore raak nie.
Ds. Rudi Schoeman, Theresapark
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.