Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Saterdag 26 September
Kakebeenshoogte & Roepersfontein
Die mens kan so maklik selfvoldaan wees oor sy groot prestasies. Ons bou vir onsself monumente met mooi huise, karre, ons groot salarisse! Dit laat ons reken dat ons die kerk en sy mense, ja selfs vir God, nie nodig het nie. In vers 14 lees ons: “Maar die Gees van die Here het vir Simson sterk gemaak ... .” In vers 16 sê Simson: “Met die kakebeen van ’n donkie het ek ’n hopie van hulle gemaak, met die kakebeen van ’n donkie het ek duisend man doodgeslaan.” Hy noem die plek, Kakebeenshoogte. Dit streel sy ego.
Maar dan word Simson baie dors. Hy roep tot die Here: “U het hierdie groot oorwinning deur my moontlik gemaak ... .” Hy verwyt God: “Moet ek nou van dors sterf en in die hande van die heidene val?” Die man van Kakebeenshoogte word deur God op sy knieë gebring. Hy wat eers gereken het dat hy op eie houtjie duisend man kon verslaan, kan nie eers in sy eie basiese waterbehoefte voorsien nie! Simson moes erken Wie die Bron van sy krag is, Wie die oorwinnings moontlik gemaak het. Hierdie plek waar Simson op sy knieë voor God is, word van toe af genoem, Roepersfontein.
Op Golgota (plek van die Kopbeen) is die belangrikste oorwinning ooit behaal. Dit is ons Roepersfontein. Soms bring God ons met ’n ompad daarheen. Met ’n siekbed, mislukte huwelik, moeilike tieners, bankrotskap ... . By hierdie Roepersfontein besef ek my eie swakheid en sondigheid. Die Almagtige is my Bron van krag, van hoop, van lewe.
Ds. Rita van Antwerpen, Tuinroete
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.