Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Vrydag 2 Oktober
Sewe keer vergewe?
Hoekom sou Petrus vra? Omdat hy al gesien het hoe Jesus is? Dalk het hy gedink: Vir hierdie Jesus is geen mens te sleg nie. Kyk met wie Hy hom ophou! Hy praat met ’n slegte vrou in die openbaar, laat selfs toe dat een huil by Sy voete en met haar hare die trane afdroog! Hy gaan in huise van tollenaars (belastinggaarders wat bekend was dat hulle mense met geld verkul). Hy genees onreines (melaatses)! Hy wys lastige kindertjies nie weg nie, dit terwyl Hy met baie belangrike werk besig is. As Jesus hierdie minderwaardige mense só verdra, dan moet Sy volgelinge dalk ook? Het Hy nie gesê dat hulle selfs hulle vyande moet liefhê nie?
Of dalk het Petrus gedink dat as hy vir Jesus sê: Jy jou broer tot sewe maal moet vergewe ... dat Jesus in Sy skik met hom sal wees – dit is tog baie! Miskien sê Jesus vir hom (wat hy graag wou hoor): Stop! Moenie hierdie vergewery oordryf nie, Petrus! Moenie te sag wees nie, hoe sal mense dan leer! Duidelik wou Petrus hê dat Jesus ’n perk vir die naasteliefde stel: Genoeg is genoeg! Met ’n goeie gewete kan jy só ver gaan ... en hoef jy nie verder. Vir ons sal só grens ook werk. “Nee, ek het dit al oorgesien, moet ek nou wéér? Ek is keelvol ... ’n mens kan nie so op jou laat trap nie ... .”
Jesus se antwoord verras: 70 x 7 keer! Hy verduidelik dit met die gelykenis van die koning en die skuldenaar.
Ds. Rita van Antwerpen, Tuinroete
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.