Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Sondag 8 November
Jakobus en Johannes
Nog gewone mense wat Jesus gebruik het as Sy dissipels, was Jakobus en Johannes, die seuns van Sebedeus. Jakobus en Johannes was broers. Jakobus se naam word altyd eerste genoem waarskynlik omdat hy die oudste van hulle twee was. Jesus het vir hulle ’n bynaam gegee. Hy noem hulle Boanerges, manne van die donder. Hulle het vir niks terug gestaan nie. Jakobus en Johannes was altyd gereed om op te tree en soms ook aggressief.
Is ons ook van die mense wat donderweer en blitse afroep as die lewe nie loop soos ons dit wil hê nie? Wat so woedend kan word oor ’n situasie en onsself te buite kan gaan? Jesus gaan u nie uitlos nie. Hy gaan u nie vir die res van u lewe so laat aangaan nie.
Jesus het baie skerp met Jakobus en Johannes gepraat en vir hulle gesê: Julle besef nie van watse gees julle is nie? Julle kan nie vuur uit die hemel afroep oor mense nie. Maar hulle was deel van die dissipelkring. Daar was ook vir mense met ’n vurige hart soos Jakobus en Johannes ’n plekkie langs Jesus.
Ons voel so baie keer veroordeel, so onvolmaak om in Jesus se koninkryk ingesluit te word. Dit is waaroor die kruis gaan - om mense soos ons naby Jesus te kry. Ja, kwaai Jakobus of Johannes, hier is vir jou ook ’n plekkie.
Ds. Rudi Schoeman, Theresapark
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.