Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
30 Junie
Nooit alleen
Het ons die Psalm mooi gelees? Dink net vir ’n oomblik: Ons Vader, ’n God wat alles sien en alles weet ... ? Is dit nie eintlik skrikwekkende woorde nie ... dat God álles van my weet ... ook van dít wat ek liewer sou wou wegsteek?
Ons Psalm vind die teenwoordigheid van God egter geensins skrikwekkend nie. Inteendeel. Dit is juis die digter se troos om te weet dat God alles van hom weet. Dit gaan nie maar om ’n nuuskierige God wat oral afluister en inloer nie. Dit gaan om iets heel anders. Here, U sluit my in van voor en van agter. Dit wil sê God beskerm my rondom. U is elke oomblik by my. Waar ek ook al kan dink om te gaan, U sal daar wees. As my voet sou gly, is God daar. As ek eensaam is, is God daar. Daar is geen tyd of plek waar God my alleen gaan laat nie.
Dit het God tussen ons kom wys toe Jesus aan die kruis gesterf, en opgestaan het. Of dit in die oggend donker word, of die aarde bewe, of mense onreg pleeg, of mense die spot dryf, of ons die dood moet ingaan, daar is geen tyd of situasie in my bestaan waarvan God nie weet en waar Hy my nie kan beskerm of vertroos nie. Laat ons vashou aan die woorde van Jesus Christus: Ek is by julle, al die dae, tot die voleinding van die wêreld.
Ds. Frans Oosthuizen, Meyerspark
Lewensbrood - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.